ஸ்மார்ட்போன் என்றாலே இன்று எல்லோருக்கும் முதலில் தோன்றுவது ஆன்டிராய்ட் ஸ்மார்ட்போன்கள் தான். அந்த அளவுக்கு ஆன்டிராய்ட் மக்களிடத்தில் மிகவும் பிரபலமாக உள்ளது.

கூகுள் நிறுவனத்தின் மொபைல் ஓஎஸ் ஆன ஆன்டிராய்ட் உலகில் உள்ள 80% ஸ்மார்ட்போன்களில் உள்ளது. ஆப்பிள் நிறுவனத்தின் மொபைல் ஓஎஸ் ஆன ஐஓஎஸ்யை 13% ஸ்மார்ட்போன்கள் கொண்டுள்ளன. கடந்த ஆண்டு ஆப்பிள் 16% ஸ்மார்ட்போன்களை கொண்டிருந்தது குறிப்பிடத்தக்கது.

ஆப்பிள் ஐபோனை ஆன்டிராய்ட் பின்னுக்குத்தள்ளி எப்படி மக்களிடத்தில் இவ்வளவு பிரபலமாக உள்ளது, ஆன்டிராய்டின் இந்த அசூர வளர்ச்சிக்கு காரணம் என்ன என்பதை கீழே பார்ப்போம்.

ஆன்டி ரூபின் மற்றும் இன்னும் சில மொபைல் டெக்கனாலஜி வல்லுனர்களால் ஆன்டிராய்ட் ஒரு தனி கம்பெனியாக 2003ல் தொடங்கியது.

2005ல் கூகுள் நிறுவனம் ஆன்டிராய்டை வாங்கியது. ஆன்டி ரூபின் மற்றும் அவருடன் கம்பெனியை தொடங்கியவர்கள் மற்றுவர்களை போல் அமைதியாக இதில் வேலை பார்த்து வந்தனர்.

2008ல் கூகுள், டி-மொபைல் என்ற நிறுவனத்துடன் இணைந்து ஜி1 என்ற உலகின் முதல் ஆன்டிராய்ட் ஸ்மார்ட்போனை வெளியிட்டது.